Поранешниот хрватски премиер Иво Санадер е осуден на шест години затвор поради примање мито од десет милиони евра, за да ѝ го препушти управувачкиот пакет во хрватската „ИНА на унгарската нафтена компанија МОЛ.
Санадер е обвинет дека со директорт на МОЛ договорил издавање на нерентабилната гасоводна инфраструктура на ИНА, јави дописникот на МИА од Загреб.
За виновен во аферата е прогласен и директорот на МОЛ Золт Харнади и тоа поради давање на мито, а судот му одреди две годишна затворска казна.
Санадер од април е во затвор на издржување затворска казна за примање на провизија за случајот „Планинска“.
