Мигрантскиот притисок и корупцијата се пречка за запирање на инфилтрацијата на познати и осомничени терористи во Бугарија.
Иако терористичката закана во Бугарија останува ниска, странските терористички групи ги користат активните мрежи за илегална трговија и шверц во нивните обиди да обезбедат влез на терористи во Европа од Блискиот Исток и Јужна Азија.
Ова се оценува во извештајот на Бирото за борба против тероризмот до Министерството за правда на САД во делот за Бугарија, пренесува бугарски „Сега“.
Акциите на бугарската влада за справување со корупцијата и непочитувањето на човековите права се „недоволни“.
Според американските експерти, „обемот на илегална имиграција од регионите каде што се наоѓаат терористичките мрежи (главно Сирија и Авганистан), како и корупцијата во агенциите за спроведување на законот, остануваат постојани пречки за сигурно пресретнување на влезот на познати и осомничени терористи во Бугарија.
Се вели дека бројот на биометриски идентификувани осомничени лица значително се зголемил во 2022 година, но голем број не биле уапсени на граница.
Наместо тоа, тие беа приведени во Бугарија. Бугарското законодавство за азил, усогласено со регулативите за азил на ЕУ, ја ограничува способноста на Бугарија да го спречи натамошното патување на познати или осомничени терористи, се вели во извештајот.
Истовремено се забележува дека Бугарија продолжува да биде силен партнер на САД во борбата против тероризмот. Се наведува дека бугарската влада продолжила да го гради својот капацитет за борба против тероризмот и дека одржува блиска соработка со владините агенции на САД, „иако некои празнини продолжија да ја попречуваат севкупната ефикасност“.
