Воздухопловните сили на Соединетите Американски Држави соопштија дека успешно тестирале хиперсонично оружје кое лета со брзина пет пати поголема од брзината на звукот, објави Ал Џезира.
Тестот беше спроведен во близина на брегот на Јужна Калифорнија.
САД и нивните сојузници не се сами во развојот на хиперсонично оружје, чија брзина и маневрирање го отежнуваат нивното следење и пресретнување.
Русија лансираше хиперсонични ракети кон цели во Украина неколку пати од нејзината инвазија на 24 февруари, вклучително и распоредувањето на хиперсонични ракети Кинжал или Кама во градот Одеса претходно овој месец.
Русија тврди дека ракетите Кинжал се движат со десет пати поголема брзина од звукот.
