Националниот архив на САД објави речиси 1.500 документи поврзани со истрагата за атентатот на претседателот Џон Кенеди во 1963 година, објави Гардијан.
Откривањето на доверливи телеграми, внатрешни извештаи и други документи е во согласност со рокот од октомври поставен од актуелниот претседател Џо Бајден и е во согласност со федералниот закон, кој предвидува објавување на владините документи. Дополнителни информации за случајот се очекува да бидат објавени следната година.
Нема непосредни индикации дека записите содржат откритија кои би можеле радикално да го променат разбирањето на јавноста за настаните околу атентатот на Кенеди на 22 ноември 1963 година од страна на Ли Харви Освалд.
Сепак, последната транша документи со нетрпение ја очекуваа историчарите и многу други, кои со децении подоцна остануваат скептични дека во средината на Студената војна, млад човек со пушка нарачана по пошта е единствениот одговорен за убиството што ја промени американската историја.
