Од ден во ден Вилма Русковска се повеќе ја развлекува истрагата за милионскиот Рекет, се со една цел, да се заштитат вистинските нарачатели. Вилма Русковска и обвинителството доцнат повеќе од четири месеци со распитот на сите инволвирани, се вели во денешното соопштение на Центарот за комуникации на ВМРО-ДПМНЕ, од каде оценуваат дека истрагата за случајот „Рекет“ е компромитирана
„Цели четири месеци и требаа на Русковска да го повика на распит Кирацовски, иако за инволвираноста на ликот Кики се пишуваше во продолженија. Четири месеци им требаа за да смислат лага дека Кирацовски само еднаш се сликал со Боки, како главно оградување од неговото учество во рекетирањето. Кирацовски вчера призна дека бил посредник на средбите на Боки 13 со градоначалници и бизнисмени кои биле предмет на рекетирање.
Во целиот случај посредникот помеѓу Боки 13 и оштетениот бизнисмен од излезените снимки веќе е во притвор како второ осомничен.
Зошто се уште Кирацовски не е во притвор?
Очигледни се намерите на СДСМ и Русковска обвинителството да го развлечат и забошотат целиот случај, се вели, меѓу другото, во соопштението на Центар за комуникации на ВМРО-ДПМНЕ.
