По една недела ќе ниде изречена пресуда за случајот во кој обвинителката Вилма Русковска го тужи ВМРО-ДПМНЕ за предизборните спотови и бара отштета од 10.000 евра.
На денешното рочиште беа пуштани снимки од спотовите насловени „Криминална приказна“ и „Штанд на лагите“, а во нив се прикажува како Русковска наводно ги средува работите во корист на власта.
Шефицата на обвинителството за гонење организиран криминал тврди дека од нив добила анксиозност, страв и вознемиреност.
Двете страни се согласија написмено да ги достават завршните зборови, а пресудата е закажана за една недела.
