Американските власти предвидоа дека штом сонцето изгреа во Украина, руските ракетни напади ќе бидат проследени со целосна копнена инвазија.
Си-Ен-Ен има видео докази за да го поткрепи тоа. Околу 6:48 часот по локално време, тенкови ја преминале границата од Белорусија кај Сенкивка.
Околу еден час претходно, Си-Ен-Ен соопшти дека руските војници слетале во јужното украинско пристаниште Одеса.
Силите кои преминуваат во Украина од Белорусија, недалеку од Киев, се мешавина од руски и белоруски трупи.
Русија и Белорусија одржаа големи воени вежби претходно овој месец, а руските сили не заминаа во текот на викендот, како што ветија.
