Косовското претпријатие за електродистрибуција (КЕДС) во недела објави дека потрошувачите ќе имаат струја шест часа, пренесуваат медиуми.
Косово ќе ѝ продаде на Македонија 3 милиони тони јаглен
Потрошувачите ќе се снабдуваат исклучиво со електрична енергија од домашно производство, бидејќи КЕДС веќе нема финансиски средства да купува струја.
Од КЕДС наведуваат дека ваквата состојба се должи на енормните цени на струјата на меѓународните пазари и недоволното покривање на трошоците на системот.
Како што е наведено, КЕДС ја обвини Владата за таканареченото Косово, бидејќи „не доделила ниту цент субвенции во износ од 100 милиони евра за добавувачите“.
„При вонредната ревизија на тарифите, регулаторот ја зеде предвид државната субвенција од 100 милиони евра. Ниту еден цент од таа сума не бил поделен на добавувачот. Ова ја влоши ситуацијата уште повеќе“, се вели во соопштението.
Додаваат и дека денеска, неколку месеци подоцна, се исцрпени сите финансиски можности.
„КЕДС и КЕСКО веќе не можат сами да го носат товарот на светската енергетска криза и нејзините последици на Косово. „Итно е потребна акција на други актери за заедно да се соочиме со оваа криза“, велат тие.
