Ривалот на професорката Наташа Котлар во вториот круг на изборите во Центар, Горан Герасимовски од СДСМ, доби јавна поддршка од новинарот Бранко Тричковски, кој во јавноста е познат по крајно невкусниот речник и отворените изблици на мизогинија во текстовите на социјалните мрежи и во одредени провладии медиуми.
Тричковски објави фотографија со Герасимовски, професорот Љубомир Фрчкоски, кој исто така е познат по одредени „недоразбирања“ со претставнички на понежниот пол и Ѓунер Исмаил, под која напиша дека кандидадот на СДСМ бил одреден да ја одбрани „највисоката и најважната кота на овие избори“.
„Со моите стари другари Ѓунер и Фрчко и со социјалдемократскиот кандидат за градоначалник на Центар, Горан Герасимовски. Му посакавме успех во вториот круг. Тој е одреден да ја одбрани највисоката и најважната кота на овие избори. Можеби на некој ќе му се чини претерано, но јас мислам дека изборите во Центар се и избори за Македонија. Би сакал да не е така, но така е. Натпреварот за Центар ќе има силни импликации врз односот на политичките сили на национално ниво и со оглед на нивните идеологии и моралнополитички вертикали, тој избор ќе го допре, позитивно или негативно, прашањето за македонскиот државен и национален проект. Да, да, толкаво, им е значењето. Центар, Карпош,и Скопје не смеат да паднат, нека не ви звучи оваа премногу патетично и титовски, битката не е меѓу вмро и сдсм или меѓу Заев и Мицковски, битката е за Македонија и за нас. Ги повикувам сите пријатели и другари на 31 да гласаат за овој млад и паметен човек, со добри визии за општината, за градот и за државата“ – пишува Тричковски на социјалната мрежа Фејсбук.
