Над 3.000 учеснички, што е нов рекорд , се натпреваруваат денеска на 11-то издание на трката која е посветена на припадничките на понежниот пол -Авицена Женска трка
„Со денешната 11-та Авицена Женска трка, со поставен рекорд од 3.000 учеснички, припадничките на понежниот пол покажаа дека се грижат за себе, своето тело и здравје. Исклучително сум среќна што оваа трка од година во година привлекува сѐ поголем број натпреварувачки. Ги поканувам сите заинтересирани да се пријават и земат учество на трките во наредниот период, а секако ги чекаме и наредната година на 12тото издание на Авицена Женска трка.”, изјави Гордана Николовска од Сојузот на спортови на Скопје.
Стартот и целта на 3 километарската трка беа на булеварот „Илинден“ кај фонтаната Лотос.
Победничка на овогодинешното издание на Авицена Женска трка беше Биљана Кираџиева за 10 минути и 56 секунди, второто место ѝ припадна на Рената Соколовска за 11 минути и 20 секунди, додека пиедесталот го дополни Фросина Михајловска за време од 11 минути и 30 секунди.
Стартот на трката го означи директорот на Агенцијата за млади и спорт, Наумче Мојсоски, додека наградите ги доделија градоначалничката на Град Скопје Данела Арсовска и секретарот на Град Скопје Зоран Глигоров.
Доделени беа и признанија за најбрзите во 7 возрасни категории.
