Реалната нето-плата во Македонија се намали за 4,7 проценти на годишно ниво во август, откако падна за 3,9 отсто претходниот месец, објави Државниот завод за статистика.
Номинално, просечната нето-плата во август се зголеми за 11,3 отсто на годишно ниво и достигна 31.871 денари (505 долари/517 евра), се вели во соопштението на Макстат.
Најсилен номинален годишен раст на платите – од 16,2 проценти – е забележан во секторот преработувачка индустрија, по што следува раст од 16,1 отсто во секторот сместување и услуги за храна.
На месечна споредба, реалната нето-плата во Македонија во август падна за 1,1 отсто во однос на јули.
