Папата Франциско ги „разгори“ гласините за можно негово повлекување, со најавата дека во август ќе го посети италијанскиот град Аквила токму на празникот инициран од папата Селестин V, еден од ретките понтифици кои поднесоа оставка пред папата Бенедикт Шеснаесетти да се повлече во 2013 година, пишува Асошиетед прес.
Италијанските и католичките медиуми се преполни со шпекулации дека 85-годишниот Френсис можеби планира да ги следи стапките на Бенедикт, со оглед на неговите зголемени проблеми со движењето поради што е принуден последниов месец да користи инвалидска количка.
Тие гласини се засилија минатата недела кога Френсис објави конзисториум за прогласување на 21 нов кардинал закажан за 27 август.
Шеснаесет од тие кардинали се помлади од 80 години и имаат право да гласаат на конклавата за избор на наследник на Франциско.
