Вчера се случила средба меѓу американската амбасадорка Кејт Мери Брнз и лидерот на ДУИ Али Ахмети по која тие во јавноста излегоа со слични но не и целосно исти заклучоци од состанокот.
За Брнз критични приоритети се корупцијата, владеење на правото и ефикасно управување со институциите.
Кај Ахмети овие три точки се надополнети со уште неколку меѓу кои зелената агенда и социјална инклузија кои не ги споменува Брнз во својот твит како приоритетни.
“Денеска се состанав со претседателот на ДУИ Али Ахмети за да разговараме за прашањата на доброто управување, владеењето на правото и борбата против корупцијата. Овие се критични елементи што бараат напори на сите страни, за да може Северна Македонија може да влезе во ЕУ и да ги подобри животите на сите свои граѓани”, напиша амбасадорката Брнз на Твитер.
Met with DUI President @AliAhmeti today to discuss governance issues, rule of law and the fight against corruption. These are critical elements requiring all parties’ efforts, so North Macedonia can enter the EU and improve the lives of all its citizens.
— Ambassador Kate Byrnes (@USAmbNMacedonia) July 14, 2021
“Ние целосно се посветивме на добро управување, владеење на правото и борба против корупцијата, зелената агенда и социјалната кохезија преку почитување на различностите и инклузијата.
Исто така,ќе ја следиме нашата домашна и соседска агенда за интеграција.
САД е силен поддржувач на Македонија и регионот”, напиша Ахмети во својот твит за средбата.
We r fully committed 2 good governance, rule of law & fight corruption, the green agenda & the social cohesion through respecting diversities & inclusion.
Also, we will not loose track of our 🇪🇺 integration domestic & neighborly agenda.
🇺🇸 is 🇲🇰 & the region’s strong supporter https://t.co/cTMzI9LsGB— Ali Ahmeti (@AliAhmeti) July 14, 2021
Според според соопштението од ДУИ Али Ахмети, на средбата со амбасадорката на САД Кејт Брнз, го образложил еколошкиот приоритет на ДУИ преку, како што соопштиле од партијата, спроведување на зелената агенда во целосна корелација со американските и европските приоритети.
“Зелената агенда и инклузивноста и различноста се целосно во согласност со убедувањата на ДУИ”, рекол Ахмети на средбата но овој приоритет на лидерот на ДУИ воопшто не е дел од твитот на амбасадорката Брнз.
Ахмети и Брнз, како што соопштија од ДУИ разговарале и за неодамнешната извршна одлука на американскиот претседател Џо Бајден при што Ахмети истакнал дека ДУИ целосно ги поддржува одлуките на претседателот Бајден, коишто вклучуваат отворена борба против корупцијата, владеењето на правото и кредибилни демократски институции.
