„Албанскиот премиер Еди Рама денеска изјави дека Македонија треба без двоумење да го прифати новиот француски предлог, кој, според него, е исто така последен, а го отвора патот за отворање на преговори за Албанија и Македонија.“ – објави весникот „Нова Македонија“ во информацијата со наслов „Македонија треба без двоумење да го прифати новиот предлог, смета Рама“.
„На средба со новинарите, по Самитот на НАТО, што се одржа во Мадрид, Рама се осврна на напорите вложени за постигнување договор, со кој се отвора патот за официјалното отворање на преговорите.“
„Цело време, додаде тој, бил во контакт со францускиот претседател Емануел Макрон, кој, според него, заслужува голема благодарност и признание, затоа што тој лично го следел овој процес 48 часа, дури и по полноќ, разменил пораки со Рама.“
„Според мое мислење, новиот предлог, кој е и последен, мора добро да го разберат во с.Македонија, е целосно прифатлив предлог и владата, мнозинството, парламент, треба да го прифатат без двоумење. Општеството во с.Македонија треба да се чувствува целосно ослободено затоа што ќорсокакот е надминат и отстранети се некои нијанси, што го направија неприфатлив претходниот предлог.’ – рече Рама.“
„Албанскиот премиер информираше дека водел конструктивен разговор со претседателот на Бугарија, Румен Радев.“
„Ние немаме проблем со Бугарија, нема загриженост за која било друга природа, освен загриженоста создадена од пристапот на Бугарија кон с.Македонија и заложништвото на с.Македонија и Албанија во процес, што можеше да бидат многу повеќе цивилен и европски од Бугарија. Но, тоа е вода, која што помина под мостот и со затворање на процесот на разгледување од с.Македонја на францускиот предлог, нема што да се додаде кога се однесува на Бугарија. Посакувам, во иднина да не минуваме патишта ‘Бугарија’, во други форми, како израз на искривување на духот за проширување, изјави Рама.“
„Албанскиот премиер вчера на општествените мрежи објави дека и се дава можност на с.Македонија за безусловен пристап и го отвора патот за официјален почеток на преговорите за членство на двете земји во Европската Унија. Тој во објавата додаде: ‘Им велам на браќата Македонци и Албанци во с.Македонија: ‘Прифатете!’ – напиша Рама.“
