Ние ги поддржуваме Бугарија и Македонија да разговараат и да го решат проблемот едни со други, изјави албанскиот премиер Еди Рама, одговарајќи на прашање од БГНЕС дали Тирана ја поддржува Софија која бара гаранции за спроведување на договорот.
„Доколку е потребно, подготвени сме да помогнеме. Но, нашата помош е да кажеме: комуницирајте, разговарајте, најдете начин. Бидејќи овие проблеми, како што научивме од историјата, можат да станат сè покомплексни… ЕУ прави големи напори, сите се обидуваат да поткрепат, но на крајот останува на Бугарите и с. Македонија да се справат со тоа. Затоа не можам да заземам страна, бидејќи уште повеќе ќе ги комплицирам работите“, вели албанскиот премиер.
Бугарскиот премиер Стефан Јанев, од своја страна вели дека билатералните прашања не треба да се решаваат на меѓународно ниво.
„Рамковниот став за Република Северна Македонија е оној што Софија го брани. Проблемите со Македонија може да се решат само на билатерална основа без мешање“, изјави бугарскиот премиер Стефан Јанев.
