„Ние во Бугарија сакаме повеќе од било кој друг да се оствари европската иднина на PCM и границата меѓу нас да стане невидлива. Впрочем, оваа граница не ги дели народите, туку ги дели семејствата“.
Ова во интервју за БГНЕС го вели бугарскиот амбасадор во Лондон, Марин Рајков, кој е и поранешен премиер и поранешен министер за надворешни работи и, според Агенцијата, еден од најдобрите експерти за историјата и проблемите меѓу Софија и Скопје.
„Бугарија не бара „бугарско малцинство“ во РС Македонија“, вели Рајков.
„Историски гледано, ниту една од нашите две земји нема малцинство на територијата на другата. Не постојат објективни критериуми за барањата на малцинствата во една или друга насока, бидејќи не постојат објективни разлики помеѓу луѓето од двете страни на границата. Македонската бугарска заедница, исто така, не е одвоена од националното тело на РСМ, но очекува да добие статус и гаранции за нејзините права како рамноправна компонента за градење на државата на еднаква основа со Албанците и другите. Така, ќе биде гарант за стабилноста и европската иднина на земјата…
Скопје, преку Декларацијата од февруари 1999 година и Договорот од 2017 година, јасно и недвосмислено изјави дека нема да претендира на Бугарија за кое било „македонско малцинство“ и ќе се грижи само за своите граѓани на нашата територија – исто како што ние се грижиме за овие 120 илјади наши граѓани во PCM. Откажувањето од барањата за малцинствата е исто така дел од шесте точки во документот, кој, откако ќе се вклучи во преговарачката рамка, ќе го отвори патот за преговори со ЕУ“ – вели Рајков за БГНЕС.
