Крајно време е да почнеме трезвено и објективно да размислуваме за војната во Украина и за нашиот однос кон неа, повика бугарскиот претседател Румен Радев.
За жал, токму во вакви критични времиња бугарските власти немаат свое мислење и свој став, додаде тој.
Дали големите земји-членки во Вилнус требаше да се изјаснат дека забрзаното прифаќање на Украина во НАТО во моментов е апсолутно неприфатливо, па нашите владетели конечно да го сменат ставот, праша шефот на бугарската држава?
Дали треба да почекаме, освен министерот за одбрана на Велика Британија, кој пред неколку дена изјави дека неговата земја не може да биде магацин за вооружените сили на Украина, и да чекаме други министри да го кажат тоа, за нашите владетели да престанат да гедаат во нашите вооружени сили како на магацин за вооружените сили на странска армија, праша Радев.
„Нашите владетели како френетично се обидуваат да не’ убедат дека испраќањето воена помош за Украина ја зголемува нашата безбедност.
Напротив, овој конфликт се продлабочува, колку повеќе оружје се испраќа, колку повеќе мртви луѓе, толку повеќе уништувања, толку поголем ризик, толку подолго оваа војна ќе се одолговлекува“, нагласи претседателот.
Сакам да појаснам дека Украина инсистира да ја води оваа војна, но сметката ја плаќа Европа, додаде Радев.
