Бугарскиот претседател Румен Радев денеска изјави дека до петок мора да го врачи третиот мандат за состав на бугарска влада откако тоа не ѝ успеа на победничката „Има Таков народ“ на Слави Трифонов, а ГЕРБ на Бојко Борисов второпласирана на последните избори веднаш го врати мандатот.
Бугарскиот претседател одби да каже на која партија ќе и го предаде мандатот, а само нафрли дека „сите опции се отворени“.
Трета по големина партија во Народнотоп собрание е онаа на бугарските социјалисти (БСП).
Претседателот Радев рече дека можни се двојни избори есенва, но не е јасно дали тоа е технички остварливо.
