Украинското политичко и воено раководство одлучи да ја прекине офанзивата што требаше да го сврти текот на војната. За жал, досега само украинските загуби се големи, пренсуваат медиуми.
Секретарот на Советот за национална безбедност и одбрана Олексеј Данилов во вчера објавениот твит напиша „Во оваа фаза на активен конфликт, украинските одбранбени сили ја исполнуваат задачата број еден: максимално уништување на жива сила, опрема, складишта за гориво, воени возила, командни пунктови. , артилерија и противвоздушни сили на руската армија“.
Во превод, украинското воено раководство се откажа од понатамошни обиди за поголеми офанзивни операции, односно големата украинска офанзива пролет-лето запира…
Украинската контраофанзива е „забавена“ поради вкопаната руска одбрана, изјави претседателот Володимир Зеленски во ексклузивно интервју за Си-Ен-Ен емитувано вчера,
Зеленски во интервју за Си-Ен-Ен рече дека сакал испораките на оружје од Запад да овозможат контраофанзивата да започнелa „многу порано“.
Тој рече дека во некои делови од земјата неговата армија „не може ни да помисли да изврши“ напади бидејќи нема „соодветно оружје“.
„Благодарен сум на САД, но им кажав, како и на европските лидери, дека би сакале порано да ја започневме контраофанзивата и дека ни треба цело оружје и материјал за тоа. Зошто? Едноставно затоа што ако почнеме подоцна , ќе оди побавно“, продолжи тој.
Тој тврди дека тешкотиите на бојното поле сега водат кон „забавена“ контраофанзива.
Зеленски континуирано ги моли западните влади да му обезбедат на Киев понапредно оружје, како што се американските ракетни системи со долг дострел, што е можно поскоро.
Тој го повтори своето барање за испорака на борбени авиони Ф-16 од американско производство.
Соединетите Држави ги овластиле своите сојузници да започнат со обука на украински пилоти за управување со авионот, но сè уште не им дозволиле на сојузниците повторно да го извезуваат авионот во Украина.
