Амбасадата на Република Чешка во Скопје за време на викендот почна да комуницира со јавноста преку свој нов профил на социјалната мрежа Твитер.
Чешка од први јули до 31 декември е претседавач со Европската унија и се очекува да биде главниот дипломатски канал за надминување на спорот меѓу Македонија и Бугарија.
Преку новиот твитер налог Чешка која важи за земја пријател на Македонија веднаш ги навреди Македонците и ги прекрши правилата според кои треба да се означува државата.
Во името на профилот на Твитер Чешка ја користи кратенка NMK иако и според официјалните позиции на владата и според Преспанскиот договор кратенките за Македонија и по промената на името треба да биде МК или МКД.
,,Како претседавач со Советот на ЕУ, ние сме подготвени да дадеме се од себе да придонесеме за непречено спроведување на преговарачката рамка предложена од француското претседателство и да организираме Меѓувладина конференција веднаш по нејзиното одобрување од РНМ”, пишува во твитот на Чешката амбасада.
As the presidency of the EU Council, we are ready to do our best to contribute to the smooth implementation of the negotiation framework proposed by the French presidency and to organize an Intergovernmental Conference immediately upon its approval by the RNM 2/3.
— Embassy of the Czech Republic in North Macedonia (@CzechEmbassyNMK) July 9, 2022
Според правилата и Преспанскиот договор кодот НМК се користи само за регистерски таблички на возила.
