Судечкиот совет од Основниот кривичен суд Скопје ја објави пресудата за случајот „Организатори на 27 април“.
Обвинетите поранешниот претседател на Собранието Трајко Вељаноски, поранешните министри за транспорт и врски и за образование, Миле Јанакиески и Спиро Ристовски, како и поранешниот директор на УБК, Владимир Атанасовски се товареа дека сториле кривично дело „терористичко загрозување на уставниот поредок и безбедноста”.
Судот одреди казна од шест години и шест месеци затвоир за Трајко Вељановски, за Миле Јанакиески – казна затвор 6 години и 3 месеци, за Спиро Ристовски – казна затвор 6 години и 3 месеци и за Владимир Атанасовски – казна затвор 6 години.
На претходите рочишта, обвинителството и одбраната ги дадоа завршните зборови. Обвинителството смета дека обвинитите се виновни за организирање на настаните на 27 април 2017 година, а адвокатите побараа ослободителни пресуди.
