Преспанскиот ќе биде ратификуван до крајот на идната недела

До крајот на следната недела, Преспанскиот договор ќе биде усвоен, изјави денеска претседателот на грчкиот парлемент, Никос Вутис.

Парламентарните процедури за ратификување на Преспанскиот договор почнуваат веќе в понеделник, соопштуваат високи партиски функционери од СИРИЗА.

Утре грчката влада ќе дистрибуира десетици илјади копии од Преспанскиот договор, со цел, како што е речено, секој Грк, да се запознае со Договорот.

Лидерот на партијата „Потами“, Ставрос Теодоракис сопшти дека нивните пратеници ќе гласаат „за“ договорот.

Со петте пратеници на „Потами“ и 145 пратеници на СИРИЗА, Ципрас има сигурни 150 гласови договорот да биде ратификуван.