Секоја злоупотреба на државен ресурс за партиски цели ќе биде најстрого санкционирана – рече вчера техничкиот премиер Оливер Спасовски кој вчера во Арачиново вети канализација.
Спасовски е носител во втората изборна единица, а токму Арачиново е дел од истата каде тој отиде да види до каде е реализирано тоа што пред три години го ветиле како партија.
Мејлот кој пристигна до медиумите дека Спасовски ќе оди во Арачиново беше испратен од Владата, а не од СДСМ, објави Алфа.
Техничкиот премиер се правда дека таму бил во улога на претседател на влада, а не како носител на ИЕ.
“Ова е владина активност за увид во проектите кои што ги финансира владата, не е кампања, кампањите ги водиме после работното време” – вели Спасовски.
