Адвокатите најавуваат дека „про бпоно” ќе ги бранат сите лица кои би биле засегнати од законот кој црните листи на САД и Обединетото Кралство се вмешуваат во македонскиот правен систем.
Жестока критика повторно стигна и од Професорот Гордан Калајџиев. Тој, преку свој фејсбук пост, реагира и на изјавата на вицепремиерката Славица Грковска, која, како што вели, експертите што даваат забелешки на овој предлог закон ги нарекува квази експерти, а упатува критика и до министерот за надворешни работи Бујар Османи.
-Досега не сум слушнал еден правник да каже нешто во одбрана на Законот за рестрикции! За Грковска (математичар) сета лавина од критики е од страна на „квази експерти“ што не и сакаат добро на државата (тоа само таа и Бујар (хирург) и’ го сакаат!? Бре бре…“, пишува професорот Калајџиев во својот статус.
Неговиот пост предизвика и серија други критики и забелешки на овој предлог закон, а меѓу нив може да се издвои и коментарот на адвокатката Анита Бегова.
Според неа, овој предлог закон е неуставно законско решение, притоа потсетувајќи дека во земјава, барем според Уставот, сопственоста е загарантирана.
Бегова најавува дека за овој предлог закон ќе поднесе и иницијатива пред Уставниот суд, како и дека про боно ќе ги брани сите лица што ќе бидат засегнати од тој закон.
„Со индигнација одбивам да се впуштам во дискусија за неуставни и ступидни законски решенија кои се носат само за да се додвори нашата некадарна и вазалска власт, кон државата која донела некакви рестриктивни мерки, кои важат за некое лице на нивна територија. Во нашава држава, барем по устав сопственоста е загарантирана, а кривична одговорност се утврдува според КЗ во кривична постапка утврдена со ЗКП. И пошто не сакам да полемизирам на темава, ќе поднесам иницијатива пред Уставен и про боно ќе ги бранам сите што ќе бидат засегнати од овој закон“, пишува адвокатката Бегова во својот коментар на фејсбук.
Извор: https://faktor.mk/kalajdziev-ni-eden-pravnik-ne-se-izjasni-pozitivno-begova-pro-bono-kje-gi-branam-zasegnatite—pravnata-fela-na-noze-protiv-predlog-zakonot-za-restrikcii
