Пронајдените класифицирани документи во домот на пратеничката Фросина Ременски не се во надлежност на Министерството за правда, туку на Министерството за внатрешни работи, изјави денеска министерката Рената Дескоска одговарајќи на новинарско прашање.
„Класифицираните информации или документи не се во делот на Министерството за правда. Тоа е материја што ја уредува Министерството за внатрешни работи така што утре ќе продолжат министрите за внатрешни работи и тоа прашање ќе можете да го поставите“, рече Дескоска која учествуваше на Министерскиот форум – ЕУ Западен Балкан за правда и внатрешни работи .
