Пратениците остро ги спротивставија аргументите околу Буџетот за следната година на последниот ден расправа во Собранието. За опозицијата преобемен, расипнички и социјален, власта буџетот го опиша како развоен, во интерес на граѓаните и помош за бизнисите. Дебатата очекувано кулминираше околу капиталните инвестиции, платите, пензиите, лошите услови во здравството.
Последен ден расправа околу преобемниот буџет за 2023-та. Пратениците се скараа околу капиталните инвестиции, растот на платите и пензиите, поддршката за општините. Пратениците на ВМРО-ДПМНЕ и БЕСА со критики, бидејќи собранискиот филтер не го поминале амандманите кои се однесуваат на изградба на патишта и капитални објекти во општините кадешто градоначалници се припадници на опозицијата.
Пратениците упатија остри зборови едни кон други и за лошата состојба во здравството, високото ниво на јавен долг, селективното зголемување н аплатите и растот на пензиите.
Буџетот за наредната година е досега историски најголемиот кој го имала државата. „Тежи“ дури 5,3 милијарди евра. Проширената државна аса е скроена врз основа на проекции за економски раст од 2,9 отсто, буџетски дефицит од 700 милиони евра, инфлација од 7,1% и рекордно ниво на капитални инвестиции од 800 милиони евра.
