Основното обвинителство во Приштина покрена обвинение против поранешниот амбасадор на Косово во Северна Македонија Ѓерѓ Дедај, поради закани кон претседателката Вјоса Османи, пишува приштински Коха.
Советникот на претседателката за медиуми, Беким Купина, за Коха изјави дека Дедај бил пријавен кај властите поради јавната закана што ја упатил до Османи, пренесе МИА.
На обвинението реагираше Дедај, кој на Фејсбук напиша: „Злоупотребата на власта за прогон на политички противници е риминал! Долу клевети, линчови, дискриминација, уцени и политички сталинистичко-болшевички прогони во Косово, на политичка, идеолошка, полова, регионална, партиска, етничка и верска основа“, напиша тој на Фејсбук.
Косовските медиуми пишуваат дека обвинението е резултат на изјава која Дедај ја дал во телевизиска емисија.
За време на телевизиско гостување, Дедај рече дека се чувствува загрозен од, како што рече, „кланот Османи“, додавајќи дека тој и неговото семејство, кои потекнуваат од Ѓаковската Висорамнина, постапуваат според Канонот на Лек Дукаѓин, што е збир на традиционални албански закони.
Дедај ја даде оваа изјава откако беше разрешен од функцијата амбасадор на Косово во Македонија.
