За “владејачката партија” најпаметно ќе биде да престане да ги плаќа оние ботовите на твитер. Потоа да тргне кон гасење на платеничките квазиновинари и сите што одработуваат по портали или социјални мрежи, порачува новинарот и поранешен функционер на СДСМ, Ивор Мицковски.
„Голем дел од штетата ви доаѓа од таа расипана и нефукционална машина за лажен наратив кој никаде не пали, напротив, очајно базди на омраза, лаги, хајки и шикањирање. Да не збориме колку тезите се празни и навијачки: откачете ги и советниците кои ви ги формулираат и дистрибуираат.
Излезете од црнилата и престанете да обединувате платеници и полтрони.
Но, водата во уши е дотаму влезена што веќе се во лов на вештерки и продолжуваат да обвинуваат независни луѓе за нивните гревови.Они се во стадиум на жртви, а тоа значи дека секој контакт со реалноста е изгубен“ -пишува Мицковски.
