Доколку продолжиме со ова темпо да се задолжуваме, земјава ќе падне во должничка криза, коментира за Алсат универзитетскиот професор и поранешен министер за финасии, Никола Поповски.
Тој оценува дека јавниот долг на Македонија добива димензии кои се застрашувачки а доколку продолжи да расте, нема да може да се сервисираат долговите.
„Со вакво темпо, на долг рок постои ризик од финансиска нестабилност, со што нема да имаме економски раст и развој“, вели Поповски.
Висината на јавниот долг заклучно до јуни изнесува 7,4 милијарди евра или 64,4 проценти од БДП.
