Претседателот на Полска, Анджеј Дуда, има позитивен тест на Ковид-19, но нема сериозни симптоми, соопшти негов соработник денеска.
Соработникот Павел Срот објави на твитер дека Дуда е под медицински надзор, но се чувствува добро.
Дуда (49) е вакциниран против коронавирус и прими бустер доза минатиот месец, додаде Срот. Претседателот е тестиран неделава поради позитивни случаи меѓу вработените во неговиот кабинет.
Дуда првпат беше позитивен во октомври 2020 година и тогаш јавноста беше известена дека тој не бил сериозно болен.
Во Полска денеска се регистрирани над 17.000 нови случаи и повеќе од 630 дополнителни смртни исходи поврзани со Ковид-19. Земјата со околу 38 милиони жители има забележано над 4 милиони случаи и речиси 99.000 жртви од почетокот на пандемијата.
