Европската слободна зона, која се состои од 22 земји на ЕУ, плус Норвешка, Исланд, Швајцарија и Лихтенштајн, стигна до „работ на смрта“ откако повеќето земји повторно воведоа контрола врз своите граници за да го забават ширењето на коронавирусот, пишува „Политико“ во напис, „Заборавете го Шенген – добредојдовте во 80-тите“.
Шенгенскиот договор дозволува укинување на слободниот проток доколку се наруши јавната политика или внатрешната безбедност.
Сепак, пишува „Политико“ нема индикации за тоа како слободното движење ќе се врати во живот, според пакетот усвоен од Европската комисија, кој дава упатства за земјите-членки за тоа како да ги отстранат внатрешните граници и ограничувањата за патувања.
Проблемот е многу чувствителен за земји како Грција, Италија и Шпанија, кои зависат од туризмот, што е важно за зачувување на нивните економии.
„Се чини како временска машина во мрачно и далечно минато. Ние мора да се вратиме во иднината, во нормалност. И ние мора да го сториме тоа што е можно поскоро, кога ќе дозволи здравствената состојба “, изјави комесарот за внатрешни работи Илва Јохансон пред Европскиот парламент минатата недела.
Во меѓувреме, Литванија, Латвија и Естонија се согласија минатата недела да ги укинат забраните за патувања и двонеделната карантин за своите граѓани во петок.
Франција и Велика Британија се согласија да им дозволат на француските патници да патуваат преку Англискиот канал без карантин.
Во април, претседателката на ЕК, Урсула фон дер Лејен рече дека Европејците ќе најдат паметни начини да го поминат летото оваа година, а Грција работи на идејата да им овозможи на туристите да влезат во земјата со претходно тестирање пред патувањето.„Тие можат да се качат во авион со негативен тест“, рече премиерот Киријакос Мицотакис.
Хрватите разговараат со Чесите за можноста за воздушен коридор што ќе им овозможи на Чесите да ги поминат летните одмори во Хрватска.
Австрискиската министерка за туризам Елизабет Костингер, која во април рече дека Австрија со задоволство ќе ги прими Германците за празниците, беше уверена дека позицијата на Австрија е добра и дека може постепено и прифатливо да ги отвори своите граници.
Во Португалија, националниот и меѓународниот туризам мора да продолжат од јули.
Но, засега, границата со Шпанија, каде епидемијата однесе повеќе од 26.000 животи, останува затворена.
Повторното отворање на Шенген е прашање на месеци, а не со недели, рече комесарот Јохансон. ( БГНЕС )
