Познатиот српска композитор и автор на бројни култни хитови, Корнелије Ковач, почина денеска на 81-годишна возраст.
Причината за смртта засега е непозната, а како што дознаваат српски медиуми, тој бил позитивен на коронавирус поради што бил и хоспитализиран.
Корнелије Ковач беше српски композитор, пијанист, аранжер. Роден е во Ниш во 1942 година, а својата прва композиција „Пусти тротоари“ Ковач ја компонирал веќе на 14-годишна возраст – во 1956 година.
Откако бил во многу босански оркестри, тој се приклучи на најпопуларниот сараевски рок-бенд, „Индекси“. Со нив бил на двомесечна турнеја во Русија.
Корнелије Бата Ковач станал член на „Индекси“ во 1966 година.
Во септември 1968 година, Корнелије се преселил во Белград, каде што ја основал групата „Корни“, која во 1974 година ја претставувала СФР Југославија на Изборот за песна на Евровизија
Корнелије Ковач пишувал музика за театар, филмови и телевизија.
Освен театар, филмови и телевизија, Корнелије Ковач ги напиша и некои од најголемите хитови на локални музички ѕвезди како што е Здравко Чолиќ („Април во Белград“, „Живиш у облаците“, „ Звао сам Емили“, „Једна зима со Кристином“, „Јединствена“) , „Генерација 5“ ( „Ти само буди довољно далеко“), Лепа Брена („Јанош“, „Сањам“, „Ситније Циле, ситније“) и многу, многу други.
