Соединетите Американски Држави денеска им наредија на членовите на семејствата на претставниците на американската влада во Белорусија да ја напуштат земјата. Претходно беше издадено предупредување да не патуваат таму поради тензиите меѓу Вашингтон и Русија околу Украина.
Минатата недела беше наредено членовите на семејствата на американската амбасада во Украина да ја напуштат земјата, а сите американски граѓани беа исто така поканети да размислат за напуштање на Украина од безбедносни причини.
„Поради зголемувањето на невообичаените и загрижувачки руски воени активности во близина на границата со Украина, американските граѓани кои се во Белорусија или планираат да патуваат во Белорусија треба да бидат свесни дека ситуацијата е непредвидлива и дека има зголемена тензија во регионот“, соопшти Стејт департментот, пренесува Ројтерс.
