Бугарскиот премиер Кирил Петков ги обвини за „негрижа“ кон државата сите оние пратеници кои денеска гласаа за смена на парламентарниот спикер, Никола Минчев.
„Покажаа дека не се грижат за оваа држава, дека не ги интересира сопствената идеологија. Тие се маркетинг компании кои ги лажат своите гласачи. Се креваат завесите и не се плашиме од избори“, рече Петков откако 125 пратеници гласаа „за“ предвремено разрешување на Никола Минчев од претседател на Народното собрание.
„Во овој парламент има ново мнозинство. Се гушкаа – значи целосна непринципиелност, овие луѓе немаат морал, рече Петков, по разрешувањето на Минчев, благодарение на „Има таков народ“, ГЕРБ, ДПС и „Преродба“.
