Пендаровски е против аболиција

Шефот на државата, претседателот Стево Пендаровски бара исклучување на аболицијата во македонскиот правен систем, односно да се оневозможи правото на шефот на државата да помилува лица за кои е во тек истражна или судска постапка, а нема правосилна пресуда, соопштија од Кабинетот на Пртседателот. 

Ако Собранието го изгласа Предлог – законот за помилување, тогаш во иднина претседателот на државата нема да може да помилува лица кои се осомничени или обвинети, туку само оние за кои има правосулна судска пресуда дека сториле одредено кривично дело.

Министерството за правда соопшти дека предлогот е доставен во владина процедура. Овие измени се најавуваа уште кога со Министерството за правда раководеше професорот, Никола Тупанчески.

Аболицијата (лат. Abolere – уништување, бришење) претставува ослободување од кривично гонење на лица кои се осомничени дека се извршители на кривично дело. Лице опфатено со аболицијата не може да се гони и ако има основа за кривично гонење.Аболиција е термин произлезен од аболиционистичкото движење во САД, кое се залагаше за укинување на ропството и дискриминација на луѓето по различни основи. Денес, овој термин главно се однесува на правниот институт за ублажување или укинување на казна или санкција. Според законските прописи се доделува само по службена должност а не по барање. Меѓу облиците на аболиција се амнестија и помилување.Аболицијата претставува и забрана за претходно испитување на основите на сомнение дека едно лице сторило кривично дело и забрана за изведување пред суд. Доколку кривичната постапка против лицето опфатено со амнестијата била претходно поведена, истата се прекинува. Аболицијата може да се применува се додека не се донесе правосилна судска одлука за вина и казна. Дури и лице кое е опфатено со аболицијата не може да поднесе барање за поведување постапка против него доколку има интерес од тоа.

„На овој начин ќе се овозможи кривичните судови да ја остварат во целост својата основна функција, а таа е во соодветна постапка да ја утврдат вината на обвинетите и да ги осудат виновните сторители на кривични дела.

На тој начин се придонесува во зајакнување на независноста на судството и, воопшто, функционирањето на системот на поделба на власта и правната држава“, додаваат од кабинетот на шефот на државата.