Градските власти на Париз од утре, 1 септември, забрануваат изнајмување на електрични тротинети.
Со тоа главниот град на Франција ќе стане првата европска престолнина што донесе таква уредба.
Забраната следи по референдумот одржан во април на кој 89 отсто од гласачите ја поддржаа забраната за изнајмување тротинети.
Употребата на приватни тротинети нема да биде засегната. Градското собрание на Париз ги прифати резултатите од референдумот и забраната стапува на сила вечерва.
Денеска истекуваат лиценците за работа на компаниите за изнајмување.
Три компании (Lime, Dott и Tier) изнајмуваа околу 15.000 е-скутери во францускиот главен град. Цената за изнајмување на скутерите беше 5 евра за 10 минути.
Сепак, невнимателната употреба на е-тротинетите од страна на туристите и жителите, вклучувајќи чести несреќи и хаос на тротоарите, доведе до забрана.
