„Мораме да бидеме искрени. „Ако кажете дека Украина ќе влезе во ЕУ за шест месеци, година или две, се лажете“, изјави францускиот министер за Европа, Клемент Бон. „Веројатно ќе биде за 15 или 20 години, ќе биде потребно многу време“, пренесоа медиуми.
„Не сакам да им нудам на Украинците никакви илузии или лаги“, рече тој, повторувајќи го предлогот на претседателот Емануел Макрон за создавање послободна „европска политичка заедница“ која може да помогне да се забрза интеграцијата на Украина во блокот.
Предлогот беше пречекан студено од Зеленски, кој во саботата ги осуди „ваквите компромиси“ и повика на итен почеток на процесот за полноправно членство во ЕУ.
Но, министерот Бон повтори дека предлогот на Макрон не е „алтернатива за приклучување кон европската политичка заедница. Тоа не се меша со членството подоцна“.
Според планот на Макрон, „може да има слободно движење во Европа и таа (Украина) може да има корист од европскиот буџет за обнова и заживување на својата земја, општество и економија“, рече тој.
Другите лидери на ЕУ, исто така, покажаа мал интерес за брзо прифаќање на Украина, чии прозападни аспирации се сметаат за главна причина што рускиот претседател Владимир Путин ја започна инвазијата на земјата на 24 февруари.
