Горан Пандев го најави триумфот на Џенова на „Сан Сиро“ со водечкиот гол во 7. минута за гостите, кои славеа над Милан со 2:1 во 26. коло од Серија А за бегство од зоната за испаѓање.
За капитенот на фудбалската репрезентација на Македонија ова е седми првенствен гол сезонава, вкупно 92. во најсилната конкуренција во Италија.
Натпреварот во Милано се одигра пред празни трибини поради мерките на Владата за справување со епидемијата од коронавирус.
