Претседателот на Бугарија, Румен Радев, ја одликуваше со орден амбасадорката на Француската Република во Бугарија, Флоренс Робин за големите заслуги на дипломатијата за зајакнување и развој на бугарско-француските односи, објавија бугарските медиуми.
„Амбасадорката Флоренс Робин значително придонесе за разјаснување на проблемите меѓу Бугарија и Република Северна Македонија и бугарската позиција пред француските институции и експерти. Згора на тоа, таа отворено ги сподели и ги бранеше своите позиции во време кога не сите наши европски партнери и експерти од Брисел ја сфатија длабочината на овие проблеми и не успеаја да навлезат во целата сложеност на загатката на политичките односи овде“ стои во образложението.
Робин изразила благодарност до бугарското Министерство за надворешни работи.
„Мислам и на работата што ја направивме заедно за време на француското претседателство, особено во однос на прашањето за Северна Македонија“, рекла таа.
