Картелот ОПЕК+ го игнорира американскиот претседател Џо Бајден, кој побара од ОПЕК + да не го намалува производството, потег што веројатно ќе резултира со повисоки цени, што ќе биде од корист за Русија, бидејќи ги користи приходите од нафта за финансирање на нејзината тековна целосна инвазија врз Украина, пренесе Ројтерс
Земјите од ОПЕК+предводен од Саудиска Арабија, кој ја вклучува Русија, донесоа да го намали производството за 2 милиона барели дневно, што е негово најголемо намалување на производството од пандемијата на ковид-19 во 2020 година.
Белата куќа соопшти дека Бајден е „разочаран од кратковидната одлука“ во време кога глобалната економија се справува со „постојаното негативно влијание од инвазијата на рускиот претседател Владимир Путин врз Украина“.
Одлуката „ќе има најнегативно влијание врз земјите со пониски и средни приходи кои веќе се оптоварени од покачените цени на енергијата“, рекоа во заедничката изјава советникот за национална безбедност Џејк Саливан и директорот на Националниот економски совет Брајан Дис.
Белата куќа, исто така, соопшти дека Бајден наредил повторно ослободување на нафта од американските стратешки нафтени резерви во обид да ги намали цените.
