Шефот на Обединетите нации за човекови права, Волкер Турк, денеска соопшти дека е „многу вознемирен“ по коментарите на високи израелски претставници кои ги повикуваат Палестинците да ја напуштат Газа, јавува Франс прес.



Израелскиот министер за национална безбедност Итамар Бен-Гвир во понеделникот повика на „решение за поттикнување на емиграцијата на жителите на Газа“ и повторно воспоставување на израелски населби во Појасот Газа.

Неговите коментари уследија еден ден откако екстремно десничарскиот министер за финансии Безалел Смотрич исто така повика на враќање на доселениците во Газа, додавајќи дека Израел треба да ги „охрабри“ околу 2,4 милиони Палестинци на територијата да ја напуштат.

„Многу вознемирен од изјавите на високите израелски функционери за плановите за префрлање на цивили од Газа во трети земји“, напиша Турк на социјалната ммрежа „X“.

Израел ќе ги раселува Палестинците од Газа во – Конго

Тој додаде дека „меѓународното право забранува присилно пренесување на заштитени лица во или депортација од окупирана територија“.