Муса Џафери, претседател на надзорниот одбор на ДУИ и еден од предводниците на „огнените“ вчера од собирот во Кичево порача дека нивна цел е да го спасат лидерот на ДУИ Али Ахмети од – Артан Груби.
Тој го обвини Груби за узурпирање на партијата и дека преку пропаганда дезинформира за незадоволните и за целите на „огнената група“.
„Артан Груби само се крие и се брани зад ликот на Али Ахмети.
Тој заедно со другите министри треба да се појави пред граѓаните и да даде отчет и да покаже колку инвестиции направил во Кичево.
Која е причината за неинвестирање во Чаир? Каде одат парите од буџетот“, праша Џафери.
