Блокадата на законот за лични карти го откри кривичното дело “несовесно работење во службата” ИЗВРШЕНО од министерот Оливер Спасовски и Помошник. Министерот за Информатика во МВР КОИ СПРОТИВНО НА ЗАКОНСКИТЕ ПРОПИСИ ИЗВРШИЛЕ ПРОМЕНИ на СОФТВЕРОТ – СИСТЕМОТ ЗА ИЗДАВАЊЕ на ЛИЧНИ Карти.
Ова е можноста што на Твитер ја упатуваат влијателни и добро упатени профили во работата на системот за безбедност.
Дел од нив прашуваат како е можно некој да го сменил кодот за смена на софтверот за лични карти без да се донесат измените на законот.
Блокадата на законот за лични карти го откри кривичното дело “несовесно работење во службата” ИЗВРШЕНО од @o_spasovski и Пом. Мин за Информатика КОИ СПРОТИВНО НА ЗАКОНСКИТЕ ПРОПИСИ ИЗВРШИЛЕ ПРОМЕНИ на СОФТВЕРОТ – СИСТЕМОТ ЗА ИЗДАВАЊЕ на ЛИЧНИ КАРТИ … pic.twitter.com/keVoX3vb6e
— Демир (@Trollowsky) August 19, 2021
Кривичното дело Несовесно работење во службата се однесува за ситуациите кога службено лице или одговорно лице во јавно претпријатие или јавна установа кое со повреда на законските прописи за судир на интересите или за совесно постапување при вршењето на дискреционо овластување, со пропуштање на должен надзор или на друг начин очигледно несовесно постапува во вршењето на своите овластувања и должности и со тоа ќе прибави за себе или за друг некаква корист или на друг ќе му нанесе штета,
Превидена казна за ваквиот тип на кривични дела е казна затвор од три месеци до три години.
Како отежителна околност при извршување на ова дело се зема доколку сторителот прибави поголема имотна корист или предизвика поголема имотна штета или потешко ги повреди правата на друг, при што казната затвор изнесува од шест месеци до пет години. Доколку штетата е од поголеми размери или штетата е огромна, казната затвор достигнува и до најмалку 3 години.
Со исти казни ќе одговараат и одговорното лице, одговорното лице во странско правно лице кое има претставништво во Република Македонија или лицето кое врши работи од јавен интерес, ако делото е сторено во вршење на неговото посебно овластување или должност, определено со закон.
Службено лице или одговорно лице во орган на државна управа или друго правно лице кое со повреда на законските прописи за спроведување на управна постапка, со пропуштање на должен надзор или на друг начин несовесно постапува во вршењето на своите овластувања и должности и со тоа ќе прибави за себе или за друг некаква корист или на друг ќе му нанесе штета, ќе се казни со затвор од шест месеци до три години и со парична казна. Доколку делото е сторено од небрежност, сторителот ќе се казни со затвор од шест месеци до две години и со парична казна.
Службеното лице во извршувањето на јавните овластувања и должности е должно да постапува во согласност со Уставот, законите и ратификуваните меѓународни договори. Во своето работење службеното лице е должно да ги почитува начелата на законитост, да постапува совесно, стручно, и без никаков приватен интерес.
Со цел сузбивање на девијантни појави на злоупотреба на јавните овластувања и должности во Кривичниот законик на Република Македонија во глава триесетта се пропишуваат кривичните дела против службената должност, кои од секогаш во правниот систем предизвикувале особен интерес поради нивната специфика во однос на другите дела. Главна карактеристика на овие кривични дела е тоа што се насочени против злоупотребата на службените и јавните овластувања на службените лица со кои се прибавува некаква корист или се нанесува штета на друг. Во текот на 2011 година во Кривичниот законик со новите измени и дополнувања се воведе и новото кривичното дело „Несовесно работење во службата“.
