Владата на вчерашната седница одлучи, странски државјани, како и граѓани на Македонија, од 1 септември да мора да покажат сертификат за имунизација, потврда за прележана корона или негативен ПЦР тест при влез во Македонија.
Тие ќе можат да влезат во земјата доколку имаат сертификат за имунизација, односно дека примиле две дози против коронавирусот, како и ако имаат потврда за вирусот во последните 45 дена од ден на опоравување или медицинска потврда за негативен ПЦР тест стар не повеќе од 72 часа од влезот на територијата на Македонија.
Странските државјани, кои минуваат низ Македонија, ќе имаат пет часа да патуваат низ земјата, со претходно потпишана изјава на влезот во земјата, која треба да ја приложат на граничната контрола на излез од земјата.
Граѓаните на Македонија кои се враќаат во земјата по 1 септември и немаат негативен ПЦР тест, доказ за вакцината што ја примиле или прележан вирус, ќе треба да поминат најмалку седум дена во карантин.
