Новата заменичка на Заев во СДСМ Сања Лукаревска за потребите на институцијата што ја води УЈП, дала дозвола за набавка на компјутери по неверојатни цени, објави порталот Денешен.
“Согласно објавените документи може да се забележи дека УЈП набавува 100 персонални компјутери со цена од 45 423 денари без ДДВ, 250 лаптопи по цена од 53 766 денари без ДДВ и 40 лаптопи кои се класифицираат како гејмерски, по цена од, верувале или не, 145 848 денари без ДДВ, објави порталот.
Цената од околу 2400 евра за компјутери, освен ако не се користат за научни и екстремно сложени математички истражувачки операции какви што не прави УЈП, е неверојатно висока.
Компјутери за книговодствени операции од висока класа се движат од 1000 до 1200 евра но во УЈП процениле дека треба да набават компјутери за два пати повисока сума.
