Шпаркасе Банка АД Скопје со задоволство известува дека го менува целокупниот визуелен идентитет во согласност со промените на ниво на Групација. Следејќи ги визијата, вредностите и верувањата на големото Ерсте и Штаермеркише Шпаркасе семејство, Шпаркасе Банка визуелно се модернизираше, по теркот на светските банкарски трендови.
Од самите почетоци Банката континуирано го менува и подобрува својот визуелен идентитет, покажувајќи ја својата флексибилност, можноста да се предвидат промените и на нив да се одговори соодветно и навремено. Од почетокот на оваа година, Банката започна со постепена имплементација, односно воведување на сосема нов изглед на локалниот пазар. Новиот визуелен идентитет вклучува оптимизирано лого, нови корпоративни бои и нов фонт.
Поедноставно, побрзо, поинтуитивно
Резултатот од овие промени е единствен корпоративен дизајн кој овозможува унифицирано искуство на брендот на сите канали. Со новиот, целосно модернизиран корпоративен дизајн, прилагоден на дигиталниот свет во којшто живееме, брендот Шпаркасе станува уште попристапен и пофлексибилен за своите клиенти, целосно ориентиран кон иднината.
Постепено воведување
Досега се направени промени на социјалните мрежи на Банката и на интерните корпоративни материјали (дописи, меморандуми, презентации). Планирано е постепено воведување, односно ребрендирање на сите останати канали (веб страна, електронско банкарство, мобилна апликација, банкомати, експозитури, централни згради).
Користење на лого
Логото е достапно во 3 верзии: • Стандардна верзија – бело монохромно лого кое се користи на слика или позадина во боја во сите комуникации, рекламни материјали, веб страна • Втората верзија е антрацит монохромно лого кое се користи кога не е возможно или не е дозволено да се користи боја, за црно-бели материјали на сите официјални документи, дописи, меморандуми • Специјалното бело лого на сина позадина кое се користи само на одредени материјали – светлечка рекама, АТМ, спонзорства
