Гледано од Париз, Лондон и Вашингтон, настаните што се одвиваат во Украина може да изгледаат како да се подготвува нова Студена војна во Европа. Од балтичките земји изгледа многу полошо, пишува „Асошиетед прес“.



„За Естонците, Летонците и Литванците – особено оние кои се доволно стари и и живееле советска контрола – руската агресија против Украина предизвикува загриженост дека тие може да бидат следната цел“, пишува „Њуз.Бг“.

Ескалацијата на тензиите пред нападот во четвртокот ги врати сеќавањата на масовните депортации и угнетувањето. Нападот на Русија врз Украина предизвика шокантни бранови во балтичките земји.

Литванскиот претседател прогласи вонредна состојба, а Латвија ги суспендираше лиценците за емитување на неколку руски телевизии обвинети за ширење дезинформации и пропаганда.

Сите три балтички држави беа окупирани и анектирани од Јосиф Сталин за време на Втората светска војна, пред да ја вратат независноста со распадот на Советскиот Сојуз во 1991 година.

Тие се приклучија на НАТО во 2004 година, ставајќи се под воена заштита на САД и нивните западни сојузници.

(…)

Додека договорот за НАТО ги обврзува сите сојузници да ја бранат секоја членка што е нападната, балтичките земји велат дека е императив НАТО да покаже одлучност не само со зборови, туку и на дело.

„Русија секогаш ја мери воената моќ, но и волјата на земјите да се борат“, изјави Јанис Гарисонс, државен секретар во латвиското Министерство за одбрана. „Штом ќе видат слабост, ќе ја искористат таа слабост.

(…)

„Кога ќе го слушнеме Путин како ја понижува Украина, нарекувајќи ја вештачка држава без историја, тоа нè потсетува на истите работи што ги зборуваа за сите поранешни советски републики со години“, рече Нериус Маљукевичиус, политички аналитичар на Универзитетот во Вилнус. Руската „државна пропагандна машинерија сега работи на невидено ниво на интензитет и пораката не е само за Украина“, вели тој.

Литванија граничи и со Калининград, рускиот регион каде што е сместена руската морнарица во Балтичкото Море, и со Белорусија, поранешната советска република, каде што десетици илјади руски војници беа стационирани на заеднички вежби непосредно пред руската инвазија.

„Изгледа дека нема да заминат“, рече литванскиот министер за одбрана Арвидас Анусаускас пред Русија да го започне нападот врз Украина.

… Балтичките земји изразија силна поддршка за Украина. Балтичките лидери неодамна отпатуваа во Киев за да покажат солидарност и да испратат оружје и хуманитарна помош за Украина.

Естонија, која го слави Денот на независноста, зазеде сила опозиција во однос на конфликтот, но не затоа што се плаши за својата безбедност, рече поранешната претседателка Керсти Калјулаид, првата жена на оваа функција.

„Го правиме тоа затоа што тоа е наша морална обврска“, рече таа. „Ние целосно веруваме дека… секоја нација треба да има право да одлучува за својата иднина.

Иако балтичките земји се директни соседи на Русија, таа рече дека и другите европски земји треба да бидат исто толку загрижени за кризата во Украина.

„Искрено, мислам дека тоа веќе не влијае само на балтичките земји“, рече таа. „Ако погледнете од Киев, растојанието до Берлин е исто како и растојанието до Талин.