Злоупотребата на спортот за политички цели во Грција не го одмина ни денешниот 14. Меѓународен маратон „Александар Велики“, на кој во центарот на вниманието, покрај стогодишнината од Понтискиот геноцид, беа и пораките за Македонија.
„Грчкиот карактер“ на Македонија учесници го истакнаа со знамиња со грчката верзија на сонцето од Кутлеш, дури и на детски колички, а за неа зборуваше и победникот Михалис Пармакис.
„На грчка почва сме, македонска, а јас сум Македонец. Живеам во Македонија, а Македонија е грчка“, изјави тој.
