Љубчо Нешков, новинар и сопственик на новинската агенција БГНЕС вели дека спорот меѓу Бугарија и РСМ не е за историјата, туку дека е криминален – околу фалсификувањето на историските факти.
„Македонија веќе година и пол нема амбасадор во Софија. Тие сакаат да се најде решение за ова прашање, но немаат претставник во Софија. Каков знак е тоа?“ прашува Нешков во изјава за бугарското национално радио (БНР).
Според него, „македонското прашање е геополитичко, а не идеолошко.
„Не зависи од тоа која партија е на власт во една од земјите. Ние не учествуваме гласно во одбраната на нашите позиции, бидејќи ова е една од целите на пропагандата – двете земји да влезат во јавен и сериозен конфликт …“
Нешков оценува дека проблемот меѓу Софија и Скопје не е меѓу народите, туку меѓу „длабоката држава во Македонија, за која зборуваат и самите македонски политичари, и оние кои во моментов ги спроведуваат своите планови и аспирации“.
Вели дека во Скопје продолжува влевањето омраза кон Бугарите со лажното тврдење дека Софија го оспорува правото на самоопределување на Македонците.
„Веќе не знам дали има бугарски политичар, државник, поранешен, сегашен или иднина, кој отворено не рекол дека никој не се занимава со нивниот идентитет. Ова е исто така јазик на омраза – секое утро на Македонците им се кажува дека Бугарите им го одземаат јазикот, нацијата, идентитетот. Ова создава отпор и омраза… “- вели Нешков..
