Според приложеното во судски процес, пратеникот од СДСМ Мартин Костовски во периодот од 01 март годинава до 07 април, најмалку четири пати барал помош во кумановската болница и од вештак заради невропсихијатриски проблеми.
Ова го објавува портпаролот на ВМРО-ДПМНЕ Наум Стоилковски според кого во тој период, со наод за невропсихијатриско растројство и под терапија, Мартин Костовски одел во Парламентот.
Во исто време Костовски пречекувал високи странски државници во собранието.
,,Мартин Костовски со невропсихијатриска дијагноза растројство гласал за:
👉Разрешување министри и зам.министри.
👉 За Лога, Шукова, Меџити, Алиу за министри, а Мадиќ, Нухиу, Манолева, Јајага иБериша за заменици.
👉 Гласал за ребаланс на Буџет.
👉 Гласал за продолжување Кризна состојба во Македонија.
Притоа, човек со невропсихијатриска дијагноза за растројство, анксиозност и депресија присуствувал на седници при обраќање на:
👉 Австрискиот претседател Ван дер Белен
👉 Хрватскиот премиер Андреј Пленковиќ”, објавува Стоилковски според кого од исклучителна важност е претседателот на Собранието Талат Џафери да објави дали бил запознаен со состојбата на Мартин Костовски, но и да побара стручен конзилијарен наод дали сега Мартин Костовски може да ја исполнува функцијата пратеник во Собранието.
,,Во спротивно во прашање се доведува легитимноста на одлучувањето на парламентот, но и дигнитетот при посети и обраќања на странски дипломати пред пратениците”, вели Стоилковски.
Предходно тој објави дека пратеникот има тешка дијагноза која го прави потенцијално опасен за средината.
